«Эң мыкты акушер – 2026»: кесиптик чеберчилик сынагы жогорку деңгээлде өттү
«Акушердик иш» бөлүмүнүн декадасынын алкагында колледжде 3-курстун студенттеринин арасында «Эң мыкты акушер» кесиптик сынагы өткөрүлдү. Иш-чара студенттердин теориялык билим деңгээлин жогорулатууга жана практикалык көндүмдөрүн өнүктүрүүгө багытталды.
Сынакка «Акушердик иш» бөлүмүнүн студенттери катышып, өздөрүнүн билимдерин, клиникалык ой жүгүртүүсүн жана кесиптик көндүмдөрүн реалдуу кырдаалга жакын шарттарда колдонуу жөндөмүн көрсөтүштү. Сынактын программасы бир нече этаптан турду: тестирлөө, кырдаалдык маселелерди чечүү, практикалык манипуляцияларды аткаруу жана командалык тапшырмалар.
Катышуучулар жогорку даярдыгын, жоопкерчилигин жана тандаган кесибине болгон кызыгуусун көрсөтө алышты. Бул сынак студенттер үчүн өз потенциалын ачууга, тажрыйба алмашууга жана кесиптик компетенцияларын бекемдөөгө жакшы мүмкүнчүлүк болду.
Иш-чаранын жыйынтыгында жеңүүчүлөр жана байгелүү орундардын ээлери аныкталып, аларга дипломдор жана сыйлыктар тапшырылды. «Эң мыкты акушер» сынагы келечектеги саламаттык сактоо адистеринин кесипкөйлүгүн калыптандырууга, практикалык көндүмдөрүн өнүктүрүүгө жана даярдыктын сапатын жогорулатууга өбөлгө түзөт.
