«Кызамык, кызылча, жел чечек» темасындагы тегерек стол

«Акушердик иш»  бөлүмүнүн декадасынын алкагында колледжде «Кызамык, кызылча, жел чечек» темасында тегерек стол өткөрүлдү. Иш-чара студенттердин жугуштуу оорулар жана алардын алдын алуу чаралары боюнча билимдерин тереңдетүүгө багытталды.

Иш-чараны «Акушердик иш» бөлүмүнүн  окутуучусу Токтогулова М. Т. СД-31 тайпасынын студенттери менен биргеликте уюштурду.

Тегерек столдун жүрүшүндө студенттер үч командага бөлүнүп, ар бир команда өзүнчө тема боюнча иш алып барды: кызамык, кызылча жана жел чечек. Катышуучулар докладдарды, презентацияларды жана көргөзмө материалдарды даярдап, оорулардын себептери, жугуу жолдору, клиникалык белгилери, мүмкүн болгон татаалдашуулары жана алдын алуу ыкмалары тууралуу кеңири маалымат беришти.

Өзгөчө көңүл эмдөө маселелерине бурулуп, жугуштуу ооруларды алдын алуунун эң натыйжалуу жолу катары белгиленди. Студенттер талкууга активдүү катышып, суроолорду берип, өз ойлору менен бөлүшүштү, бул алардын аналитикалык ой жүгүртүүсүн жана кесиптик компетенцияларын өнүктүрүүгө өбөлгө түздү.

Мындай иш-чараларды өткөрүү келечектеги медициналык кызматкерлердин даярдык деңгээлин жогорулатууга, коомдук саламаттык маселелерине жоопкерчиликтүү мамилени калыптандырууга жана практикага багытталган окутууну чыңдоого көмөк көрсөтөт.