«Өз ден соолугуңду текшер!» акциясы

«Акушердик иш» бөлүмүнүн декадасынын алкагында «Өз ден соолугуңду текшер!» аттуу профилактикалык акция өткөрүлдү. Иш-чара «Медайымдык иштин негиздери» сабагынын  окутуучусу Жидебаева Н. Т. тарабынан ЛД-11 тайпасынын студенттери менен биргеликте уюштурулду.
Иш-чаранын максаты — калк арасында өз ден соолугуна жоопкерчиликтүү мамилени калыптандыруу жана профилактикалык текшерүүлөрдү жайылтуу болду.
Акциянын жүрүшүндө студенттер окутуучунун жетекчилиги алдында базалык скринингдик текшерүүлөрдү жүргүзүштү: дене салмагын, кан басымын жана кандагы канттын деңгээлин колледждин окутуучулары менен кызматкерлерине өлчөп беришти.
Мындан тышкары, акциянын катышуучулары окуу жайдан тышкары чыгып, каалаган жарандарга экспресс-текшерүүдөн өтүүнү сунушташты. Студенттер өлчөө иштерин жүргүзүү менен катар, сергек жашоо образы боюнча сунуштарды берип, ден соолук көрсөткүчтөрүн үзгүлтүксүз көзөмөлдөөнүн маанилүүлүгүн түшүндүрүштү.
Мындай иш-чараларды өткөрүү студенттердин практикалык көндүмдөрүн өнүктүрүүгө, алардын кесиптик компетенттүүлүгүн жогорулатууга жана медициналык билим берүү менен коомчулуктун байланышын чыңдоого өбөлгө түзөт.